.
مبادرة #حلة_حمد_تقرا
تعتبر مبادرة #حلة_حمد_تقرا و التي قد أطلقتها صفحة (حلة حمد جمال الطبيعہ) على الفيسبوك واحدة من الأشياء التي تعكس مدى اهتمام قرية حلة حمد بالقراءة و الثقافة عموما و اليكم ما نشر في الصفحة حول إطلاق المبادرة نصا
#رايكم_شنو؟
بالتأكيد كلنا عارفين أهمية القراءة و أنو أول كلمة نزلت في القرآن كانت (اقرأ) و بالقراءة و العلم نهضت الحضارات المتقدمة فالقراءة لا غنى عنها و لا بديل
واحدة من الحاجات البنتمناها دايما أنو تكون القراءة ثقافة سايدة في حلتنا و ترتبط بأسمها و تشتهر بيها مش عشان كدا و بس برضو عشان القراءة حتساهم بلا شك مساهمة كبيرة في نهضة قريتنا و تطويرها و تخليها تتقدم و تبقى أفضل
#رايكم_شنو لو أدينا القراءة أهتمام شوية و بقيناها جزء من حياتنا و روتينا اليومي فزي ما عندنا في موبايلاتنا أغاني و فيديوهات ليه ما تكون عندنا كتب نتبادلا و نحولها بالشير و بالتليغرام او نكتب على حالتنا في الفيسبوك و نتكلم عن الكتب القاعدين نقرأها أو نكتب اسماء تطبيقاتنا البنستخدما في القراية نكتب عن مواقع تحميل الكتب عن منتديات القراءة أو عن اي شي خاص بالقراءة ان شاء الله حتى نحدث حالتنا ب(سين يقرأ كتاب...) و في النهاية نختتم منشوراتنا دي بالهاشتاق حلة حمد تقرا حقيقة الحكاية حتكون لينا صعبة في البداية لكن شوية شوية حنتعود عليها و حنلقاها ممتعة و حندمنها كمان.
و دمتم بخير مع خالص ودي أحترامي
#حلة_حمد_تقرا